Tchad, Jenerali Mahamat Déby, yatangajwe ko ari we watsinze amatora y’Umukuru w’Igihugu, maze abona ubutegetsi mu nzira y’amategeko.
Jenerali Déby yatsinze ku majwi 61.3%, nk’uko bitangazwa na komisiyo ishinzwe gutegura no guhagararira amatora mu mibare y’agateganyo yatangaje, mu gihe uwo bari bahanganye, Minisitiri w’Intebe Succes Masra, yageze 18.53%.
Mbere gato, Masra yari yatangaje ko ari we watsinze amatora “ku rugero runini”, ariko ko “intsinzi y’abaturage” yibwe.
Jenerali Déby w’imyaka 40, yashyizwe ku butegetsi n’igisirikare nyuma y’aho se, Idriss Déby Itno, yiciwe ku rugamba n’inyeshamba mu kwa kane 2021.
Uyu muryango wa Deby umaranye imyaka 34 ku ngoma y’ubutegetsi, bivuze ko kandi iyi ngoma ikomeje.
About The Author
