Perezida Paul Kagame na mugenzi we wa Sénégal, Bassirou Diomaye Faye barebye umukino w’amarushanwa ya BAL wahuzaga AS Douanes yo muri iki gihugu na APR BBC yo mu Rwanda.
Uyu mukino wabaye kuri iki cyumweru wasozaga iyo mu itsinda rya Sahara Conference, ryari rimaze iminsi rikinira i Dakar muri Sénégal.
Umukino warangiye AS Douanes yatsinze APR BBC amanota 79-54, iyisezerera muri BAL 2024.
Muri rusange Sahara Conference yarangiye iyobowe na Rivers Hoopers, ikurikiwe na AS Douanes, US Monastir na APR BBC ya nyuma yatsinze imikino ibiri gusa muri itandatu yakinnye.
Iri tsinda kandi ryatumye amakipe yose umunani azakina imikino ya nyuma izabera i Kigali tariki 24 Gicurasi kugeza kuya 1 Kamena 2024 amenyekana.
Ni FUS Rabat (Maroc), Petro de Luanda (Angola), Cape Town Tigers (Afurika y’Epfo), Al Ahly (Misiri), Al Ahly Benghazi (Libya), Rivers Hoopers (Nigeria), AS Douanes (Sénégal) na US Monastir (Tunisia).
APR BBC niyo kipe ya mbere yaserukiye u Rwanda muri BAL ikananirwa kwitabira imikino ya nyuma ibera i Kigali mu Rwanda.
Mu marushanwa yari yabanje ikipe ya patriot BBC yari yitwaye neza mu mikino ya nyuma yaberaga muri Kigali Arena igera muri 1/2.
REG BBC nayo yari yabashije kurenga amatsinda ya Sahara conference gusa inanirwa kwitwara neza ikigali iviramo mu matsinda.
About The Author
