Abacunnga inkombe muri Mauritania babonye imibiri y’abantu 89 bari mu bwato bwazimiye mu nyanja ya Atlantique ku wa mbere.
Abantu icyenda, barimo umwana w’umukobwa w’imyaka itanu baratabawe, ariko abandi babarirwa muri za mirongo ntiharamenyekana irengero ryabo.
Abarokotse bavuga ko ubwo bwato busanzwe bwo kuroba bwari bwafashe urugendo mu cyumweru gishize buva mu karere ko ku nkombe za Gambia na Senegal burimo abantu 170. Bwarohamye bugeze mu majyepfo ashyira uburengerazuba mu mazi ya Mauritania.
Mauritania ni inzira ikomeye ku bagerageza kujya i Burayi bavuye muri Afurika y’Iburengerazuba, aho ubwato buharirwa mu bihumbi bwahagurutse buva mu mwaka ushize.
Akenshi urwo rugendo rubangamye ruba rugana ku kirwa cya Canari y’igihugu cya Espagne.
Leta ya Espagne ivuga ko abantu bagera 40.000 bahageze mu mwaka ushize inshuro ebyiri, ugereranije n’abo mu mwaka wa mbere y’aho.
Mu rugendo ryo gushaka inzira zerekezwa i Buraya, abimukira akenshi bafata ingendo n’ubwato bwuzuye abantu umurengera.
Abimukira barenga 5.000 barapfuye bagerageza kwinjira muri Espagne baciye mu nyanja mu mezi atanu ya mbere ya 2024, nk’uko bivugwa n’ishirahamwe ry’abagiraneza Ca-minando Fronteras.
Muri Mata, ishyirahamwe ry’ Ubumwe bw’Uburayi ryahaye Mauritania miliyoni 210 z’amafaranga z’amayero, euro (miliyoni 225 z’ama dorari) y’imfashanyo, hafi miliyoni 60 akazashyirwa mu bikorwa byo kurwanya abimukira bashaka kwerekeza i Burayi batagira ibyangombwa.
About The Author
