Polisi ya Kenya yaburijemo imyigaragambyo hagati mu murwa mukuru wa Nairobi, no mu nkengero zawo », kugeza igihe kimenyeshejwe », kivuga ko kuba iyo myigaragambyo itagira abayiyoboye, bituma bigorana gucunga umutekano.
Ibyo bije nyuma y’ukwezi kw’imyigaragambyo yo kwamagana Leta aho abantu babarirwa muri za mirongo bamaze kwicwa. Iyindi myigaragambyo yari iteganyijwe ku wa 18 Nyakanga 2024.
Umurwa mukuru Nairobi niwo wabaye umutima w’iyo myigaragambyo y’urubyiruko, ariko yaranabaye n’ahandi mu gihugu.
Iyo myigaragambyo yatangiye ari iyo kwamagana umushinga w’itegeko ry’imisoro abaturage basaba gusora by’umurengera, ariko n’aho iri tegeko rikuriweho abari mu myigaragambyo bongera ibyo basaba, harimo ko Umukuru w’Igihugu William Ruto yava ku butegetsi.
Ku mbugankoranyambaga hari hakwirakwijwe ubutumwa buhamagarira abantu guhurira Uhuru Park mu mujyi hagati kuri uyu wa kane, mbere y’uko berekeza kuri State House, ingoro y’Umukuru w’Igihugu.
Mu ijoro ryo ku wa 17 Nyakanga, Polisi yavuze ko »nta myigaragambyo izemererwa mu mujyi hagati mu murwa mukuru Nairobi no mu nkengero yawo, kugeza hari ikindi kimenyeshejwe kugira ngo hitabwe ku mutekano ».
Ibyo byatangajwe na Polisi byarakaje abantu ku mbugankoranyambaga, aho bamwe bavuga ko Polsi kidafite ububasha nk’ubwo, kuko amategeko aha abanya Kenya uburenganzira bwo kwigaragambya. Mu mujyi hagati hazindukiye Polisi benshi mu gukumira iyo myigaragambyo.
About The Author
