Nyuma y’amasaha make impanuka ihitanye umumotari n’umujyenzi mu gace ka Kimironko, indi mpanuka y’ikamyo yahitanye abantu babiri ku mugoroba wo ku wa 09 Nzeri 2024 ku Kicukiro.
Amakuru avuga ko mu ma saa mbiri z’ijoro, mu karere ka Kicukiro, habereye impanuka ikomeye y’imodoka, ikaba yahitanye abantu babiri abandi barakomereka.
Nk’uko tubikesha Igihe, amakuru avuga ko impanuka yatewe n’ikamyo yo mu bwoko bwa Fuso yamanutse mu muhanda werekeza kwa Gitwaza ivuye Kicukiro Centre, ivuza amahoni menshi. Amakuru avuga ko iyo kamyo yaba yari yabuze Feri, bigatuma igonga umumotari n’umugenzi yari ahetse bagapfa:
Iyo kamyo kandi yahitanye ibintu bitandukanye harimo amamodoka, abakomerekeye muri iyo mpanuka bakaba bari kwitabwaho n’inzego z’ubuzima.
Iyi mpanuka ije ikurikira iyabaye mu rukerera rwo kuri iyi tariki, yo ikaba yabereye Kimironko mu Karere ka Gasabo mu murenge wa Kimironko na yo ikaba yahitanye umumotari n’umugenzi yari atwaye.
Iyi mpanuka ya Kimironko yo ikaba yatewe na Bus yo mu bwoko bwa Youtong yaciye mu nzira ibujijwe kandi iri ku muvuduko wo hejuru bigatuma igonga moto.
About The Author
