Kuri uyu wa Gatandatu tariki 14 Nzeri 2024, ikipe ya APR FC irakira ikipe ya Pyramid FC mu mukino ubanza mu ijonjora rya nyuma hashakwa ikipe ikina imikino y’amatsinda ya CAF Champions League.
Ni umukino ukomeye cyane wakaniwe b’impande zombi ariko nk’ibisanzwe usanga ikipe zo mu Barabu yo zakiniye hanze zidakora ibintu bikomeye kuko ziba ziteguye kuzakora ibishoboka byose ku mukino ziba zakieiye mu rugo.
Ikipe ya APR FC imaze igihe kigera ku byumweru 2 yitegura uyu mukino ishaka kwihimuramo nyuma yaho umwaka ushize Pyramid FC yatsinze APR FC ibitego 6-1 isuzuguwe cyane. Umutoza Dàrco Novic utoza APR FC mu kiganiro n’itangazamakuru yatangaje ko biteguye neza uyu mukino ndetse bizeye intsinzi imbere ya Pyramid FC.
Kapiteni wa APR FC Niyomugabo Claude nawe ntabwo yagiye kure ku byo umutoza yatangaje ariko we asaba abafana kuza gushyigikira abakinnyi ayoboye ndetse ko avuye mu ikipe y’igihugu yasanze abakinnyi basigaye bameze neza ndetse biteguye neza.
Abakinnyi bose b’ikipe ya APR FC bameze neza nta mvune n’imwe bafite ariko mu bakinnyi 11 dushobora kubona impunduka hakabanzamo Victor Mbaoma kuri nimero 9. Ubundi uyu mwanya usanzwe ubanzaho Mamadou Sy ariko uyu musore akoranye n’abandi umwitozo umwe wuzuye bitewe ni uko yavuye mu ikipe y’igihugu ya Maurtania atinze.
Abakinnyi 11 Dàrco Novic ashobora kubanza mu kibuga
Mu izamu: Pavel Nzilla
Ba Myugariro: Niyigena Clement, Nshimiyimana Yunusu, Niyomugabo Claude, Byiringiro Gilbert
Abo hagati: Dauda Yusif, Thadeo Lwanga, Lamine Bah
Ba rutahizamu: Mugisha Gilbert, Victor Mbaoma, Ruboneka Jean Bosco
About The Author
