Arsenal yatsinze Paris Saint-Germain (PSG) mu mukino wa kabiri wa UEFA Champions League ibitego 2-0 naho Borussia Dortmund ikaba yanyagiye Celtic ibitego 7-1.
Ku mugoroba wo ku wa Kabiri tariki 1 Ukwakira 2024, ni bwo hakinwe imikino ya kabiri muri UEFA Champions League ivuguruye.
Mu mukino utegerejwe nabantu ku kibuga Emirates Stadium Arsenal yari yakiriye Paris Saint-Germain yo mu Bufaransa.
Arsenal yatangiye umukino iri hejuru ndetse no ku munota wa cyenda ihita ibona uburyo bwa mbere kandi bukomeye, ubwo Bukayo Saka yafataga umupira ari mu rubuga rw’amahina ariko agiye gutera mu izamu awushyira hejuru.
Ku munota wa 20 yafunguye Arsenal yafunguye amazamu ku gitego cyatsinzwe na Kai Havertz ku mupira mwiza yahawe Leandro Trossard atereka umupira mu izamu ryari ririnzwe na Gianluigi Donnarumma.
Uburyo bukomeye bwa PSG bwabonetse nyuma y’iminota umunani, ubwo Nuno Mendes yafashe umwanzuro agaterera umupira hanze y’urubuga rw’amahina, ariko ku bw’amahirwe make uca iruhande rw’izamu gato.
Arsenal yabonye igitego cya kabiri ku munota wa 35, kivuye kuri coup-frank yatewe neza na Bukayo Saka, igera ku munyezamu Donnarumma wasuzuguye umupira akisanga wageze mu rucundura.
Iyi kipe yo mu bwongereza yakomeje gushaka ikindi gitego ndetse ikinira mu kibuga cya PSG, gusa igice cya mbere kirangira ari ibitego 2-0.
Mu gice cya kabiri yatangiranye impinduka Jurrien Timber amusimburwa na Jakub Kiwior.
Paris Saint-Germain yakomeje gusatirwa cyane ndetse ihushwa n’uburyo bukomeye harimo ubwa Gabriel Martinelli ku munota wa 51 n’ubwa Kai Havertz ku wa 58.
Achraf Hakimi wageragezaga gusiga abakinnyi ba Arsenal yageze mu rubuga rw’amahina, Gabriel Magalhães amutereka hasi asaba Penaliti ariko umusifuzi w’Umunya-Slovenia, Slavko Vinčić, amubwira ko ntacyabaye.
Umukino wahinduye isura ku munota wa 65 ubwo umutoza wa PSG, Luis Enrique, yashyiragamo Fabian Luiz na Kolo Muani agakuramo Vitinha na Désiré Doué.
Icyo gihe yigiye imbere ndetse ikajya igerageza no gutera mu izamu ariko Arsenal yari yamaze guhindura umuvuno wo gukina yifashishije abakinnyi benshi mu bwugarizi.
Umukino warangiye Arsenal itsinze
Paris Saint-Germain ibitego 2-0
Mu yindi mikino yabaye ku wa Kabiri, Borussia Dortmund yanyangiye Celtic FC ibitego 7-1, FC Red Bull Salzburg yatsinzwe na Stade Brestois ibitego 4-0.
VfB Stuttgart yanganyije na AC Sparta Praha igitego 1-1 , FC Barcelona yanyangiye BSC Young Boys ibitego 5-0, Bayer 04 Leverkusen yatsinze AC Milan igitego, Inter Milan yatsinze FK Crvena zvezda ibitego 4-0 , PSV Eindhoven yanganyije Sporting CP igitego 1-1 ŠK Slovan Bratislava yatsinzwe na Manchester City ibitego 4-0.
About The Author
