Kompanyi y’indege ya America (American Airlines) yirukanye abakozi bayo benshi nyuma yo gusohora abagenzi mu ndege. Bivugwa ko ubwo babagenzi binubiraha umunuko bari bumvise mu ndege, umwirabura wese warimo yahise asohorwa.
Nyuma y’iperereza, byagaragaye ko abakozi b’indege bakoreye ironda ruhu abirabura bari muri iyo ndege. Abantu batatu bataziranye binubiye umunuko bumvise ubangamye mu ndege, bavuga ko hari umuntu uri kubanukira.
Abo bantu uko ari batatu ngo nta numwe wari uziranye n’undi kandi ntibari banegeranye. Abakozi bo mu ndege bahise baza basohora umwirabura wese wari uri mu ndege.
Abasohowe uko ari umunani , batanze ubuhamya ko muri Gicurasi uyu mwaka , abagabo batatu – batari bicaranye kandi nta n’umwe wari azi uwundi bakimara kwinubira umuntu bavugaga ko anuka, ngo byatumye buri mugenzi wese w’umwirabura asohorwa muri iyo ndege ubwo bari bageze hagati ya Phoenix muri Arizona na New York City.
Kompanyi y’indege yafashe umwanzuro wo kwirukana abakozi bose bagize uruhare muri ibyo bikorwa bimeze nk’ironda ruhu, umuyobozi mukuru w’iyo Kompanyi akaba yavuze ko bari gukorana n’imiryango iharanira uburenganzira bwa Muntu kugira ngo hatangwe ubutabera ku bahohotewe.
About The Author
