Tombola y’uburyo amakipe azahura muri 1/8 cya UEFA Champions League, yasize Real Madrid itomboye mukeba wayo Atletico Madrid naho Liverpool yo mu Bwongereza izacakirana na PSG yo mu Bufaransa.
Iyi tombola yabaye ku gicamunsi cyo kuri uyu wa Gatanu tariki 21 Gashyantare 2025 mu mujyi wa Nyon mu gihugu cy’u Busuwisi.
Ni ku nshuro ya mbere UEFA Champions League iri gukinwa mu buryo bushya, aho amakipe ya mbere yabonye itike ya ⅛ binyuze mu mikino yakinwe mu buryo bwa League.
Amakipe atarabonye itike ku nshuro ya mbere yagize amahirwe yo gukina iya kamarampaka, yakuranywemo hagati yayo haboneka andi umunani azakina iki cyiciro mbere y’uko habaho tombola.
Yasize Real Madrid yo muri Espgane ifite igikombe giheruka itomboye mukeba wayo Atletico Madrid.
Amakipe yombi yahuriye ku mukino wa nyuma w’iri rushanwa inshuro ebyiri 2014 na 2016, zose igikombe cyegukanywe na Real Madrid.
Liverpool yasoje imikino iyoboye yatomboye PSG yasezereye Brest muri kamarampaka iyitsinze igiteranyo cy’ibitego 10 mu mikino yombi.
Uko tombola ya 1/8 yagenze
Club Brugge izahura na Aston Villa
Altetico Madrid izahura na Real Madrid
PSV izahura na Arsenal
Feeynoord izahura na Inter Milan
PSG izahura na Liverpool
Borussia Dortmund izahura na Lille
Bayern Leverkusen izahura na Bayern Muchen Barcelona izahura n Benfica.
Imikino ibanza izaba ku wa 4-5 Werurwe, mu gihe iyo kwishyura izakinwa ku wa 11-12 Werurwe 2025.
About The Author
